軒仔, 早晨呀, 我好鍾意你同哥哥嘅無需要太多 (兩首都鍾意), 好啦, 今日我聽歌嘅主題曲, 就用呢兩首陪我返工^^, 我剛剛留言係Eric度, 內容如下:

Eric & 軒仔, 風風雨雨仲會停, 時間可以改變一切, 人生仲會有開心同唔開心嘅時候, 只要記著過去快樂時光, 惜珍現在, 寄望將來, 就算遇到逆境, 只要用正面嘅心境嚟面對每一日都係好日.31/3就當上了寶貴一課(都唔使收錢賺咗啦),1/4重新出發,衝呀! 衝呀! 我想哥哥家吓都會讚成,唔想我地唔開心!!

希望你睇到, 我由 ‘圍脖’ 特登為咗你, 琴晚跟咗你過嚟你個Blog度^^ 我都要返工啦, 琴日差DD遲到……笑吓啦, 大個仔啦!!

軒仔, 你今日點呀, 心情有無好D呀, 我今日聽咗好多次你同哥哥嘅 ‘無需要太多’(聽到MP3無電^^), 依家都係度聽緊你果首歌!! 今日返工都幾開心同好忙, 但係一返到屋企開電腦睇 ’圍脖’ 時, 都有睇Eric, Alan, 克勤佢地…..(仲有Eason 嘅FB) Eric好努力照顧佢外甥, 又要去探媽咪, 仲不停咁做宣傳節目勁勤力, 但係可能因為 ‘圍脖’ 無咗你, 我都無乜心機打嘢, 一想到平日你同Eric呢一對 ‘圍脖’ 孖寶, 我通常會好開心係你地之間留言, 真係好開心…… Alan今日有影佢隻腳仔呀, 唔知佢會唔會去你介紹果個醫師度睇呢, 依家我聽緊哥哥唱 ‘你在何地’ 同 ‘拒絕再玩’, 我想所有粉絲都想知你 ‘你在何地’ 你唔好 ‘拒絕再玩’ 啦!! 你唔好再玩 ‘少男心事’ 啦, 大個仔啦, 一齊玩開心D, 你橫掂都要做宣傳, 返嚟 ‘圍脖’ 啦^^

軒仔, 哥哥, 依家我好開心呀, 又可以返去同 ‘陳生’ 玩呀 ^^ 

無家的漢子今晚他將要躺街頭
途中的廢紙他會撿起披上當風褸
而今天的你只不過生吞了半個苦頭
但你大聲地叫苦像似世界已走到盡頭
別再刻意地營造萬個苦痛面譜
如沒意努力 你可不必期望得到

夠了 你別又停步       夠了 眼淚太虛無
夠了 無謂縮起雙膊如乞討
振作 快用力提步       振作 快踏上征途
振作 時日光陰一去難追討

夠了 你別又停步       夠了 眼淚太虛無
夠了 無謂縮起雙膊如乞討
振作 快用力提步       振作 快踏上征途
振作 時日光陰一去難追討

軒仔, 祝你 & Eric 兒童節快樂, 我話過4/4會為你地慶祝, 唔會無口齒嘅!咁啦, 我每年都將呢日定為你地嘅日子啦, 哈哈, 1/4一定係哥哥日^^!!

軒軒, 我一直好配服你啦, Eric, 陳大師同克勤, 你地幾個做人做事都好有原則, 不過自從見識過你劉老師嘅 ‘一蚊雞’ 大行動之後, 我真係只可以寫個 ‘服’ 字俾佢, 佢簡直型爆, 好man呀, 你記得要大力支持劉老師呀!! 唔掛之得你會認佢做你老師, 我想你可以係佢身上學到唔止音樂上嘅嘢!! 我呢個草民係異空間都支持你同你老師呀, 加油!! ^^

軒仔, 萬二分支持你 ‘推動環保工作’ 加油呀, 無論你音樂同你做人處世態度, 我都極之….極之….極之認同, 動物同大自然唔識講人話, 好可憐… ‘怎麼可’ 俾人類 ‘蝦’ , 好彩仲有隻會講人話嘅土撥鼠仔幫佢地講嘢, 唔止講, 仲會唱埋添, 係唔係呀 <只要唔係用過激手法, 我一定支持, 我想你都好有分吋嘅>!! 仲有呀你記得善用You Tube, 圍脖, 土豆呢類平台, 因為你 ‘吸納’ 咗呢批fans係會跟你一世, 超期待你嘅 ‘張敬軒生活台’ 出世呀!! 我一定每集都收睇^^

完本我家姐想報警, 而司機表示自己報警, 要求我兩幫手拉著小朋友免他再衝出去受傷, 當時小朋友個頭已經在流血, 我地兩個好努力氹小朋友冷靜, 終於拉回他到馬路旁坐著, 之後叫小朋友聯絡家人, 可能太緊張打咗幾次都唔通, 最後找到小朋友與家人講咗幾句, 之後交由我家姐代小朋友講受傷情況, 等待救護員期間, 我地同小朋友傾計, 教他不要亂衝馬路, 應行紅綠燈過馬路, 因今次已算幸運, 而小朋友精神亦較穩定 (仍眼仔碌碌幾精靈) 不久警員及救護員到場, 我地就離開了!

另外想讚一讚你翻唱 ‘婚紗背後’ 呢首歌, 聽完全首曲之後, 好鍾意你嘅演繹方法, 令呢首歌有 ‘重生’ 嘅感覺!!句句入心, 無想過由一個咁年青嘅男歌手嚟演繹呢首歌, 都可以咁正, 真係小D唱功都唔得^^ 軒仔加油!!

早晨軒仔, 你新碟no.11真係好正, 你依家係NY要加油呀, 我都係習慣係哥哥版面打嘢^^ 好期待你同火星皇后七月舞台表演, 祝你開開心心, 過一個愉快嘅假期, 講真……創作靈感真係無得迫, 你順其自然啦, 有就最好, 無就放個 ‘短短地’ 嘅 ‘悠長假期’ 囉 ^^ bye, 返工啦, 請呀!!

軒軒, 睇完你紐約之旅,送你’天邊一隻雁’歌詞吖,我估你識唱Alan呢首歌,都幾啱你,希望你睇到啦……

抬頭望天邊一隻雁  撩動我感觸滿心間  寧願做天邊一隻雁  唔願著西裝與恤衫
忘盡了緊張社會鬥爭多險惡  拋開世俗悶煩穿梭 ‘宇宙’ 雲霧間
能做到天邊一隻雁長日對碧海與青山  才明白天邊一隻雁無伴侶開解太孤單
懷念到繽紛社會始終多可愛  悲哀快樂有循環當然有直有轉彎
我亦唔係懶  我熱情無限  當我領略到天邊一隻雁  實實在在做人未晚漸漸日日受人頌讚稱讚稱讚
唔羨慕天邊一隻雁期望有秋收靠春耕  唔願做天邊一隻雁回復我新生瞬息間
懷念到繽紛社會始終多可愛  悲哀快樂有循環當然有直有轉彎  心底幻象已消散

土撥鼠仔, 好開心呀, 我家姐今日買咗你尾場音樂劇D飛^^, 即係我都可以睇兩場呀 (最搞笑我地係一次都未睇過話劇或音樂劇, 平日都係睇偶像嘅演唱會), 不過我偶像為咗專心7月演唱會 ‘閉關’ 及暫停 ’圍脖’,  我留言話俾佢知…直到佢更新 ‘圍脖’ 之前我都唔會 ‘入’ 去阻佢, 好似你之前 ‘休假’ 咁…你唔出現都唔會入你鼠洞玩囉^^, 咁…你7月都有音樂劇, 所以你都會 ‘半閉關’ 啦, 一於係呢度祝你演出順利, 你要俾心機D 綵排 & 演出呀, 不過你係 ‘圍脖’ 一日未正通知 ‘閉關’ 我都會係你嘅王國內 ‘四圍’ 留言講 ‘早安’ & ‘晚安’ 呀… 仲之今年呢個 ’7月中’ 我就超開心收到呢幾份禮物啦…睇完你就又可以睇埋我偶像演唱會^^ 努力 & 加油呀!!

講到懶…我仲懶過你,你種花, 捉魚, 做自己鍾意嘅嘢…只係消閑同減壓一部份, 對你情緒同身體都有幫助, 邊度係懶喎, 我放親假就大覺瞓, 瞓完又瞓, 食都懶得去食咁就真係懶…我仲要係超A女 (自閉) 除咗返工, 我真係唔多出門口 (公司門口都唔出果種), 以前都因為間K係正樓下我先同我家姐去玩, 玩到零晨6點…行10分鐘就返到屋企瞓…家吓無啦, 執晒囉…我仲要每日返工都要食飽就瞓 (豬一隻)…就算唔瞓要做嘢, 中午食完飯都要聽MP3先OK…我D同事都習慣晒^^, 仲有呀! 你成日咁怕老…你廿九歲仔咋…好鬼細個, 我老你咁多咁咪死得囉^^, 我成日罵我一個八十後嘅男同事, 我話我就年紀大, 心境細; 佢就年紀細, 心境老囉, 你都係呀!! 你越諗得多就真係會越老囉…一係咁, 你學校長廿五歲就唔再數落去…咁你廿九歲就以後再加N咁多個月囉…其實你諗吓…人係會大, 好正常…咁三十, 四十, 五十, 就算八十都OK有乜所謂, 年紀唔老, 我先怕呀, 我唔做 ‘人精’ 呀, 我等緊 ‘自然走’ 嘅日子呀…我每次生日就會好開心倒數, 因為又可以減少一年, 又可以快一年返去應該去嘅去方^^ 所以你寫定遺囑, 我又覺得OK, 幾好呀, 一D都唔古怪, 我成日教我阿爸, 阿媽, 如果走果日一定唔好掛住我地, 該走就開開心心走, 唔好有牽掛…我成日都同我家姐爭吓邊個走先, 邊個要留後…^^, 所以你想嘅嘢一D都唔奇怪, 你幾時夠我怪喎…^^

係呀, 我以前其實都好容易驚, 我一發癲就會乜都唔識做, 就算叫我係本簿畫條直線, 我都可以驚到唔知係邊個位落筆, 仲之就唔知驚乜啦, 真係會乜都唔識做…或者我直覺有事發生(幾準呀), 我就會放假走人返屋企瞓覺, 因為我直覺好強^^ (我舊老細第一次向我新老細介紹我就係話….我好做得嘢, 但間中發癲咁囉, 俾佢笑死)…不過自從有次睇咗TVB部西遊記 (講真…唔係你講果D西遊記呀, 仲有…我知你係教徒, 我只係想講個故事俾你聽啫, 我其實無入任何宗教, 但偏向信佛教) 其中有個故事我唔係記得好清楚, 但大嘅內容係話佛祖佢其中有個弟子有預知能力, 亦都知自己會點死, 但佢生活得好開心, 一D都唔恐懼死忙, 反而佛祖同各弟子都好恐懼佢會出事, 小心翼翼地保護佢唔俾佢有危險…但最後佢呢個有預知能力嘅弟子俾D野獸食咗, 咁…大家都好傷心, 但佢靈魂出現話俾佛祖知, 嘅然預知自己最後會咁死, 佢自己就行咗去森林, 當時見到幾隻饑餓嘅野獸, 咁佢就用自己身體俾佢地食, 如果唔係呢幾隻野獸都會餓死…而佢亦都想唔懼怕死亡, 反而活得好開心, 無白費自己一生, 走算走都走得好安心…

死啦, 我夠竟打咗幾多嘢呀…打吓打吓唔停得手…打埋呢段唔都係唔打住啦, 手仔都軟仲睇死你添…^^ 你成日話唔敢睇翻自己D演唱會同聽自己唱D片段, 唔掛知得你次次都讚人地唱得好, 其實你真係唱得好掂, 好勁呀, 我唔會睇錯人呀, 如果日後你要有呢個 ‘膽量’ 時, 你應該試吓學聽自己嘅歌, 因為你真係唱得好好, 百份百聽得出用心唱, 好有感情 (你連唱兒歌 ‘龍珠’ 都好鬼正呀), 尤其係 ‘正式演唱會’ 裏面, 我睇過你兩場現場 – 年卅同初二, 到依家都仲好鍾意, 唔係擦你鞋 (鬼得閒擦你呀^^) 你應該慢慢學習自信, 無自信你做邊行都死, 唔好話做歌星啦…你真係得嘅, 但有陣時可能唱現場你唔習慣D音響或者受現場情況影響情緒會無咁穩定啫, 唔好驚就OK呀…你要學習放膽前行, 人生有大把路要行呀, 記得心裏面有陽光, 幾時都可以開心呀, 呢個係神獸對你嘅忠告 (我係南方朱雀, 即係雀仔一隻喎, 所以只會鍾意食嘢, 瞓覺, 唱K & 聽歌囉, 不理世事, 開開心心咁係宇宙度飛^^) BYE!!

哥哥呀, 好耐無返嚟呢度搵你, 今日系家駒死忌, 又系月野兔 & 小小兔生日呀, 我特登入嚟搵你, 祝佢地開開心心, 你同家駒都開開心心咁系異空間生活, 作多D歌, 如果有多咗嘅作品, 送D俾我班偶像啦, 不過哥哥你可能唔只忙創作, 我知你有大把嘢做呀^^, 得閒就返嚟搵我啦, 仲有得閒都睇吓軒軒啦 BYE ^^

哥哥, 我睇完軒軒兩場柯廸夫啦, 好精彩, 佢琴晚仲感動到喊…我剛剛都係感動到喊…今晚係我大日子…就係去睇Alan演唱會, 所以特登入嚟搵吓你, 都係因為掛住哥哥你啫, 你今晚一於係異空間返嚟陪我去收廿五年嘅禮物啦, 唔該晒…^^ 我約咗哥哥你, 不見不散…仲有呀哥哥, 我好努力學習食蘋果呀, 因為我家姐話有益, 叫我食呀…今日嘅早/午餐就係食呢個蘋果啦…因為懶呀…出面又無啦啦落好大雨, 希望今晚好天呀…係喎依家無嘢做, 可以開DUO演唱會喎,我買咗咁耐都未睇, 因為要用電腦睇…如果睇緊上唔到網八掛人地D嘢…好啦, BYE, 超無聊嘅肥脾上 ^ ^

情歌皇子…土撥鼠仔…軒軒 ^^…我特登入嚟你個BLOG為你打打氣…黑暗盡頭就會露出曙光(話唔定有彩虹添)…你好快會好起來…可能你就憑著你近日生活所遇到嘅點滴…獲得好多好多創作靈感…日後你回想番…可能有一大堆名曲都係呢個時間創作出嚟…或者到時你唔只作曲…編曲…監製…仲可能連其中一兩首 ‘廣東’ 歌詞都係你自己作番添…加油…你要充充正能量電力…我近日有DD漏電…但我會用盡我所有能量嚟幫你充電…我只係遇到小事啫…同你比…蚊比同牛比啦…但睇過你今日放上網果段片…果個人無手無腳…只有一隻腳板仔…都咁積極生存…你同我都要努力…唔好氣餒…大碟遲D出就遲D出囉…又乜所謂…有心唔怕遲…十月都係拜年時…OK呀…創作要靈感同時間…我地呢D粉絲會無限量支持你呀…你放十萬個心…做好你現時想做好嘅嘢先啦…一件件慢慢完成…唔好急呀…支持你呀   ^^

今日…個心好攰…只係想入嚟留言…祝生活偷快…BYE

軒軒…恭喜晒你呀…TVB同四大唱片公司問題終於可以解決啦…你遲D只要身體好番…出碟就可以去TVB宣傳啦…加油呀…不過你唔好心急呀..等身體情況好轉先出啦…因為你一出碟…就會有排山倒海咁多嘅宣傳迫你出…所以…就算你生日先出碟…又或者…無論何年…何月…何日…出碟…都無問題…只要你肯出…我必定買…勾勾手指尾吖…哥哥做証吖…好嘢…開心…所以我今日特登上嚟呢度恭喜你呀…萬歲…加油呀…休息完再出碟啦…張校長暨校工…神獸上 ^^

哥哥…又係我呢個煩豬呀…年年1/4都嚟煩住你…不過…你都習慣咗啦…我一直都係咁…無改過…咁多年都係咁…係喎…我今日買咗電腦…明日小軒軒開演唱會時…我想…我應該換咗用部新電腦啦…今日買機紀念你…明日用新機就係紀念軒軒開演唱會日子…都幾好吖…我現在好開心…哥哥我終於愛上咗人類啦…我想你都知係乜水…哈哈…心照啦…不過…你都要保佑我愛嘅某人…佢好細細個仲係高中生…預備考大學…好可愛…超級要人關心…要好好照顧佢…不過我都係一個笨豬…照顧自己都要努力…仲要照顧佢…哈哈…睇嚟…我真係要加油呀…哥哥…我好愛佢呀…你係 ‘天’ 上…都要幫吓手…唔出晒力…都幫吓口出吓力…為我幸福著想…^^…

軒…加油呀…4/11-6/11/2011…到時九展見  ^^   無限量支持你 ^^  好期待你嘅演出…我要帶 ‘軒仔’ 回家…好好照顧佢 ^^

軒軒…好掛住你…希望有一天你入嚟呢度會見到我嘅留言…無嘢呀…只係想念你啫…加油…綵排加油…我和秋天有個約會見你…想你..phoebe上 ^^

小寧 哥哥…我又來了…睇完秋天啦…好精彩…又一次証明軒軒擁有多元化實力同意志力…廿六場體力係一個好大嘅問題….軒軒可以順利通過…好勁呀…加油呀軒軒…期待秋天在港重演…我一定會再睇…多角度地支持你…我最要多謝個天…世上有一個咁叻…咁有才華嘅人出現…仲要在香港呢個地方…哥哥你走咗之後…有一個叫張敬軒嘅人好叻叻…你在天上都要支持軒軒呀…我知你有守護佢呀…多謝哥哥^^多謝個天

哥哥…宜家係2013年4月1日啦…又嚟探你…嘩…軒軒向你同阿梅致敬…唱咗芳華絕代同跳舞呀…超俊美呀…我知你一定有睇…29年前你嘅經典一幕…軒軒重現啦…好開心…我估你都好安落…終於有接班人…哈哈…記得好好守顧軒軒呀…謝謝你…哥哥 ^^ 我知你想我地開開心心生活…我地一定會呀…軒軒…你都要呀 ~~